Ikiuussutissanik 492 tonsitut oqimaatsigisunik ikaartarfiugallartoq atorlugu USA Gazamukaassisaleqqippoq

Amerikamiut Gazamut ikiorsiissutinik tunioraanertik aallarteqqippaat, ikaartarfiugallartumik Gazap avataanut inissiinermikkut.

Ikiuutissat pisariartinneqaqisut 492 tonsitut oqimaassuseqartut Gazami innutaasunut arfininngornermi tunniunneqarput.

Ikaartarfiugallartup ilaa anorersuarnerani kaanngarsimavoq ikiuussutissanik assartuisoqarsinnaanani.

Amerikamiut sanaavinik igaartarfiugallartunik maajimi sanaartortoqarpoq, taakkualu atorlugit ikiuutissat 1000 tonsinik sinneqartut tunniunneqarput.

Ikiuutissanik agguaassisoqarnerani amerikamiut sakkutuui Gazamut ikaarsimanngitsut amerikamiut sakkutuui oqarput.

Ikiuussutissaq Gazamut ikaassorneqarneqarnerat ullup qeqqata siorna aallartineqarpoq.

USA-p præsidentia Joe Biden marsip qaammataani aalajangerpoq, USA talittarfiugallartuliussasoq, ikiuussutissanik pisariaqartinneqartunik Gaza-mukaassisoqassammat.

Ikaartarfiugallartoq puttasuliaavoq nunanut pitoqqavoq, taamaalilluni lastbiilit assartuutigalugit ikiussutissanik umiarsuarneersunit naalagaaffiit peqatigiit Gazami agguaassisarfiliaanneqartartussanik.  

Ikiorsiissutit Gazamukaanneqartinnagut, Cyperniliaanneqatarput, tassanngaannit umiarsuarnullu usiliunneqartarlutik taakkualu ikaartarfiugallartunut puttasulianut  Gazap sineriaata avataaniittunut apuunneqartarlutik.

Naalagaffit Peqatigiinnit oqaatigineqartoq naapertorlugu, Gazami kaannersuaqarpoq amerligaluttuinnarlutillu,  Gazami innutaasut to milliuuninik sinneqarput. 

Gazami innutaasut atugarliortorujussuupput, pikititsiniat Hamas aamma Israel aatsaat taama sakkortutigisumik aattaqaqisumillu sorsuummata.

/ritzau/