Ikiuiniaqatigiiffiit ajunaarnersuaqarfiusumut anngupput

Ajunaartut amerlassusaat suli amerliartorput, ajunaartut 22.000iusut pisortanit nalunaarutigineqarpoq, marloriaataallu maqaasineqarlutik. Inuit milliuuninik amerlassuseqartut angerlarsimaffeerussimassangatinneqarput. Anorersuup kaavittuliortup Nargis-imik taaneqartup sapaatip akunnerata naanerani siornatigut Burma-mik taagorneqartartumi Myanmar-ip nuna aqqussarmagu ajunaarnersuaq pivoq.

Nunat tamat ikiuniaqatigiiffiata ataqatigiissaarisuata Myanmar-ip sakkutuut kisermaassillutik aqutsisut piumaffigaat, Myanmarimut isersinnaanermut piumasaqaatit sakkukinnerulerseqqullugit, naalagaaffiit peqatigiit ikiniaqatigiiffii Myanmarimi ajunaarnermi eqqugaasunik ikiuniassammata.

Sakkutuut kisermaassillutik nunamik aqutsisuusut Naalagaaffiit Peqatigiit ikiuunniarneranut piareersimallutik nalunaarput. Nunat tamat ikiuniaqatigiiffii Myanmar-imi ikiuiniarnerminni ataqatigiisaariillutik ippassaq aallartipput.

Nunamulli isersinnaanissamut akuerineqarnissaq naalagaaffiit peqatigiit aallartitaannit utaqqineqarpoq., naalagaaffiit peqatigiit ikiunermik ingerlatsivianni ataqatigiissarisoq Elisabeth Byrs nalunaarpoq.

Ikiuutit anngunniarnissaat ajornukusuussangatinneqarpoq, nunap immikoortua Irrawaddy avinngarusimasumi inissisimammat.