Ikiuiartortut avoqqaarineqarput
Aviisi Myanmars Nye Lysimik atilik naalakkersuisullu aqutsinerannik nakkutiginnittutut taaneqarsinnaasoq allaaserinnilluni nunami allamiut ikiuinartorlutik tikittut mianersoqquai inuit angerlarsimaffiinut iseqattaaqunagit. Nunallu ajutoortoqavitsillugu ikiuigasuartartut aviisimi isornartorsiorneqarput taakku aningaasatigut pilersorneqarnerat ajunaarnersuaqartarnernit annaanneqartartut.
- Myanmarimi innuttaasut avataaniit ikiorneqanngikkaluarlutik namminneerlutik qaqeqqikutsoorsinnaapput.
- Myanmarimi inuit neriniarunik aalisariaannaapput, siallerujussuarneratami kingunerisaanik inuussutigineqarluarsinnaalluartunik naraserpassuaqarpoq, taama ilaatigut allaaserisami allassimasoqarpoq.
Avataaniillu ikiuisartortut isornartorsiorneqarputtaaq pisariaqartitsisunut taarsiullugu sukkulaatiminernik agguaassisoqaannarsinnaasoq.
Avataaniit aggerlutik ikiuiartortut taama sakkortuumik avoqqaarineqarnerat sapaatip akunneranik sioqqullugu Myanmarip illoqarfiisa pingaarnersaanni Yangonimi ikiuigasuartartut ataatsimeersuartinneqarmata kattuffinnut ikiuisartunut ataatsimeeqataasorpassuarnut taavani naalakkersuisut tikilluaqquserpalaartumik nipeqarsimagaluarput. Maannali illuatungerluinnaanik nipeqalerput.
