Ikiueqqaartussarpassuit Haitilialersut

Danmarkimi Upalungaarsimanermut Qullersaqarfimmiit ikiueqqaartussat arfinillit Haitiliartinneqassapput, nassassavaallu sakkutuut atortui, siniffiit patitsittakkat toqqillu. Nunanut allanut ministereqarfik suliamut 6 millionit koruuninik aningaasaliivoq. Nutaarsiassaqartitsivimmi Ritzauimi tamanna allaaserineqarpoq.

Naalagaaffiit Peqatigiit ikiuisarfiat Port-au-Prince-mi ataqatigiissaarisuussaaq, soorlu ikiuutissat illoqarfimmut takkussornerat ilutigalugu nerisassanik agguaassisassaaq, Nunanut allanut Danmarkimi ministereqarfimmi fuldmægtigi, Michael Andersen, taama ilisimatitsivoq.

Nunanit Avannarlernit ikiueqqaartussanik Haitiliartitsinissaq Naalagaaffiit Peqatigiit Kikkut Tamat Inuussutissaqarnissaannik pilersaarusiorfianit, World Food programmemit kajumissaarutaavoq.