Ikittaatit pinngussatut isikkullit tuniniaqqusaajunnaarput

Ikittaatit soorlu oqarasuaatitut angallattakkatut, nerisassatut biileeqqatulluunniit siunissami isikkoqaqqusaajunnaarput, ikittaatillu ima isummannaatsigissapput meeqqanit sisamat inorlugit ukiulinnit innaallatsinneqarsinnaassanatik.

EU-Kommissionimit oqaatigineqarpoq, meeqqat ikittaatinik pinnguartarnerat pissutaalluni inuit 34-t 40-llu akornanniittut ukiut tamaasa toqusartut.

Ikittaatit navianarnerpaat Kinami ikittaatiliarineqartarput, sulilu immaqa nioqqutaallutik. Tassami nioqqutissiortut pisiortorfiillu ikittaatiliarisamik nioqqutigisinissaannut ukiumi ataatsimi periarfissinneqartaramik.

Atuisunut EU-p kommissæria, Meglena Kuneva, oqarpoq, nunat ilaasortaasut oqartussaasuisa EU-p malittarisassai nutaat atortissanerlugit nammineerlutik aalajangissagaat.