Ikilerneqartut Rigshospitalimi annaanniarpaat
Kalaallit Nunaanni nakorsaanerup Carsten Thordalip ullaaq manna oqaatigaa, sakkortuumik ikiligaasimasut marluk Nutaarmiunit Nuummukaanneqariarlutik Danmarkimut ingerlateqqinneqartut Danmarkimut unnuaq apuulluarneqartut
Allattoq Elisa Isaksen
Angutit taakku marluk 81-inik 32-nillu ukiullit Nuummukaanneqareernermik kingorna Kangerlussuakkoorlutik Danmarkiliaanneqarput, ullaassarlu Danmarkimi tallimanngortoq apuunneqarlutik.
Carsten Thordalip oqaatigaa, angutit perulunnerat taamaaginnartoq, maannalu Rigshospitalimi peruluttut uninngavianni katsorsarneqartut.