Inuk ataaseq ikiaroornartumik hashimik tuneriaannanngorlugu aggoriikkanik 68-inik nassartoq Ilulissat mittarfianni ippassaq tigusarineqarpoq. Tigusarinninnerup kingorna 23-t tigusarineqartup anarisimavai.
Kangerlussuarmi politiit qinnguartaallutik ikiaroornartunik aggoriikkanik naammattuuinermik kingorna Ilulissani politiit kalerrissimavaat. Ilulissanilu politiit inuk naammattuuiffiusimasoq mittarfimmi tigusarisimagaat Kangerlussuarmi politiit ilisimatitsipput.
Ilulissani politiit ullumi paasiniaaffigigaluaratsigik suliaq pillugu annerusumik oqaaseqarusunngillat.