Ikerasaarsummi eqqaavissuaq nunaqarfimmiunut akornutaaqaaq
Eqqaavissuaq Pollonika Siegstad-ip illuaniit 8 meterisut qanitsigisumiippoq. Anartarfiit puussiarsui eqqaavimmi aamma imaarneqartarput.
-Puussiarsuit imaarneqaraangata illunut allanut igajartortariaqartarpugut. Illutta ilua aamma tipittarpoq, suna tamarmi matooqqagaluartoq. Isigut qasillilertarput toqqusaarluttuaannangajallutalu. aamma niviarsiaraatinga arfineq-marlunnik ukiulik napparsimakulavoq, Pollonika Siegstad oqaluttuarpoq.
Kangaatsiami borgmesteri Otto Jeremiassen, Siumumeersoq, oqarpoq aqqullunnera pissutigalugu eqqaavik nuukkuminaatsinneqartoq.
- Teknikkikkut immikkoortortaqarfitsinnut misissugassanngorlugu suliakkiutiginikuuarput. Eqqaaviup nunaqarfimmiikkunnaartillugu allamut nuunnissaa siunnerfiusimangaluarpoq. Aamma nunaqarfimmi najugaqartut oqallisiginikuuaat nunagissaaneq atorlugu ungavartinneqarsinnaasoq, taannalu maannakkut misissugaavoq, Otto Jeremiassen
oqarpoq.