Ikaartaat ikkarlimmat inuit 50-it sinnerlugit maqaasineqarput
Ikaartaat Manerassuarmi Tongap eqqaani ikkarlimmat inuit 50-init amerlanerit maqaasineqarput. Aviisimi Politikenimi tamanna atuarneqarsinnaavoq.
Allattoq Mads Lynge
aggustip 06-at 2009 07:36
Annattutuaq nassaarineqareerpoq, taannalu oqaluttuarpoq, angutaannaanerusut annanniutinut anngussinnaasimasut.
Taamaammat ilimagineqarpoq maqaasineqartut tassaanerusut arnat meeqqallu, ikaartaatip "Princess Ashika"-p ikkarlinnerata nalaani ineeqqani sinittut.
Annaassiniarnermut New Zealand akisussaasuuvoq, avammullu oqaaseqartartoq oqarpoq, ikaartaatip tassanngaannaq ikkarlinneranut suna pissutaanersoq suli paasineqanngitsoq.
Sakkutuut timmisartui ikkarliffiup nalaani suli qulaavaapput, annassimasinnaasunik ujaasigaluarlutik, immamili 25-nik kiammat annattoqarsimsinnaanissaa ilimagineqarpoq.
Ikkarlinneq Australiami ministeriunerup alianartuunerarpaa.
