Ikaarsaariarnermut ataatsimiititaliat: Attartortittakkanik inissialiorneq unitsinnagu
Kommuneqarfik Sermersuumi Qeqqatalu Kommuniani ikaarsaariarnermut ataatsimiititaliaanni siulittaasut taama naliliipput.
- Naalakkersuisut siusinnerusukkut illoqarfinni anginerni initaarniarlutik utaqqisut allattorsimaffiannik ikilisaaniarlutik nalunaaruteqartarnerat aningaasanut inatsisissatut siunnersuummi takuneqarsinnaanngilaq, Asii Chemnitz Narup aamma Hermann Berthelsen tusagassiuutinut nalunaarummi allapput.
Aningaasanut inatsisissatut siunnersuut nutaaq Kommuneqarfik Sermersuumi aamma Qeqqata kommuniani innuttaasunut nammaginanngilluinnartoq oqaatigineqarpoq.
Ineqarnermut tunngasutigut sipaarutissat peerneqartariaqartut ikaarsaariarnermut ataatsimiititaliani siulittaasut isumaqarput, kommunini marlunni ineqarnermut pissutsinik kollegieliortiternikkut pitsanngorsaaniarnera sanioqqutitsinerulluinnartoq aamma oqaatigineqarluni:
- Innuttaasut inissamik pisariaqartitsinerat kollegieliortiternikkut matussuserneqarnavianngilaq, Asii Chemnitz Narup aamma Hermann Berthelsen allapput.
