Ikaarsaariarnermi ataatsimiititaliaq naliliissaaq

’Qularutissaanngilaq pisortat suliassaqarfiisa aaqqissuuteqqinnerani innuttaasut sumiikkaluartunulluunniit naligiimmik atugassaqartitaanissaanik kommunit oqartussaanerulernissaminnut periarfissinneqassasut.’

Narsap borgmesteria Kiista P. Isaksen oqarpoq nangillunilu:-Uanga isumaqarpunga kujataata kommuniani innuttaasunut kiffatuunneqarnerat ajorseriaateqanngitsumik assigiissarneqarluni ingerlanneqassasoq tassani kulturi imaluunniit sumissuseq apeqqutaatinneqartariaqanngitsoq.

Ullumi kommunit ajunngivissumik innuttaasunut ajunngivissumik kiffartuussisarnerat arlaatigut ajorseriaateqarsinnaanera annilaanganartoqartinnginneraa Kiista P Isaksen aperaarput akivorlu:

Uani eqqaasariaqartoq pingaarutilik tassaavoq soorunami tamatta innuttaasut sullinneqarnerata ajorseriaateqanginnissaa soqutigisarigatsigu. Uanilu erseqqissartariaqarpoq kommunit ilaatigut inatsisit tunngavigalugit pisussaaffeqarmata, ilaatigullu inatsisitigut tunngaveqanngitsunik kommunit nammineq aaqqissuussinerminni ingerlataqarlutik kiffartuussinermi, taakkua soorunami kommunerujussuanngornermi nalilersorneqartussaassapput aammalu taakkua ikaarsaariarnermi ataatsimiititaliap isummerfigisussaallugit.

Kujataani utoqqarnut ilaqutariinnullu siunnersuisoqatigiinnik innuttaasunut pitsaanerusumik sullissinissamik pilersaaruteqartoqarnersoq apeqqutigigatsigu Narsami Borgmesteri Kiista P. Isaksen imak akivoq:

-Soorunami kissaatigaarput allaffissornikkut marloqiusaanngitsumik ingerlatsinissaq pitsaasumillu sullissinissaq angussallugu, tassanilu innuttaasut qitiutillugit sullissineq anguniarparput soorlu utoqqarnik sullissineq pitsanngorsassallugu. Taakulu taasinnaavarput ældre konsulentit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat