Iisartakkamik nutaamik takkuttoqangajalerpoq
Unnuaq iluamik sinissimanngitsunut, unnuanilu allani iluamik sininneq ajortunut, iluaqutaasinnaasumik qanittukkut takkuttoqassaaq.
Tassami EU-p aamma Danmarkimi nakorsaatinut qullersaqarfiup iisartagaq sininnartunik akulik akuersissutigisimavaat – oqaatigineqarnera naapertorlugu – sininnartuuvoq kingunerlutsitsineq ajortoq.
februaarip 21-at 2008 05:25
Iisartagaq akuutissanik timitsinni pigeriikkatsinnik akoqarpoq. Tamannalu pissutigalugu qasuersimalluni itertariaqarpoq.
Danmarkimi innuttasut milliuunit aappaata affaanik amerlassusillit sinilernissamik ajornartorsiuteqarfigisaanni, iisartagaq pitsassuaq taanna nakorsamit allagartalerneqarluni pisiarineqarsinnaalereerpoq.
Sininnartoq taaguuteqarpoq Circadin taannalu sinimmik ajornartorsiuteqartunut pitsaalluinnartuunerarneqarpoq.
