Iigartartut pillugit filmit

Tusagassiortup filmiliortartullu Isak Kleistip sermersuup iigartarfiisa avatangiisinut sunniuteqarneri pillugit filmiliai marluk, katillugit akunnermik ataatsimik minutsinillu qulinik sivisussuseqartut naammassipput.
Allattoq Mads Lynge
januaarip 04-at 2008 12:35

Fiilmit “Kuussuit qerisut sinaanni”-mik taaguuserneqartut pilersinniarneqarneri 1,5 millioni koruuninik akeqarsimasut arlaleriarlutik uningatinneqartariaqartarsimapput, akissaatikilliorneq pissutaalluni.

- Sivisoorujussuarmik suliarinerini uninngatittariaqartarsimavakka, ikiortissannut aningaasaliissutissat amigartarmata, 2005-imi upernaakkut pilersaarusiorlunga aallartippunga, imaanngilarli piffissaq tamaat taakkununnga atoriga, uninngatittariaqartarsimavakka aningaasassaqalernissaat utaqqillugit, Isak Kleist oqarpoq.

Ullumikkorpiaq filmit saqqummiutinnginnerani suliassartai mikisualuit suliaralugit aamma Isak Kleistip oqaatigaa.

Filmit pingasunik oqaasertaqartinneqartut dvd-inngorlugit tamanut tuniniarneqassapput.

- Nunarput amigartumik imaluunniit pitsaanngitsumik pillugu ukiut kingulliit filmiliortoqartarnera illuatungilerniarlugu aamma filmit saqqummersinneqartut Isak Kleistip oqaatigaa.

Filmit takuteqqaarneqarnissaat januaarip naalernerani pissasoq naatsorsuutigiqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq