Igalikumi takornarialerisussanik peqatigiiffiliortoqarpoq

Jullinngitsiartoq Igalikumi takornarialerisussanik peqatigiiffiliortoqarpoq. Lise Egede Hegelund Igalikumi unnuisarfiutilik – takornarialerinermik peqatigiiffimmik pilersitsiniarnermi aallarniivoq. Peqatigiiffiup Qaqortup Kommunea, Qaqortumilu Turistforeningi, kiisalu Destination South Greenland saaffigereersimavai Qaqortup Igalikullu akornanni pisuttuartartut aqqutigisartagaasa ilisarnaasersornissaannik kissaateqarluni.

Pisuttuartartut aqqutaani unnuisarfiusinnaasunik sanaartorfiunissaa ammattaaq peqatigiiffinngorlaap pilersaarutaanut ilaavoq. Destination South Greenlandimi pisortaq Tina Jensen ima oqarpoq.

Lise oqaluttuarpoq aasaq aqqut taannarpiaq soqutigineqarsimaqisoq, pisuttuarlutik ingerlaaqatigiippassuit aqqut ingerlaarfigisarsimaqaat, ullumikkornillu pitsaanerusumik aqqutip ilisarnaasersorneqarnissaa pisariaqartinneqarsimavoq.

Aqqutaani unnuisarfeqanngilaq, unnuisarfiliorniarnerilli pilersaarutineqalerput. Aap, tassa Igalikumi takornarialerinermi peqatigiiffiup kissaatigisimavaa pisuttuartartut aqqutaani illuaraliorsinnaaneq. Taamaattoqassappallu Qaqortup kommunea tamatumunnga akuliuttariaqassooq, kommunemmi angingaasaleeqataanissaa avaqqunneqarsinnaanngimmat.

Piffissanngorpallu Takornarialerinermi peqatigiiffiup tunisassianngortumut pilerisaarinissamut ikiuunnissaat pingaaruteqarportaaq.

Takornarissanut kiffartuussinermut iluaqutaassaqaaq, Igalikumut allanik pilersaaruteqarpisi?

Igalikormiut takornarialerinermut inerisaanissaminnut soqutiginneqaat, tamannalu nuannaajallannartorujusuuvoq. Soorluttaaq immikkut tupertarfiliornissaq kissaatigineqartoq, massakkorpiarmi sumi tamaani siammartiterlutik tupertarput, tamakkumi ataatsimoortinneqarunik sullinneqarnerat eqaannerulissammat.

Taama Destination South Greenlandimi pisortaq Tina Jensen, suleqatitsinnut Judith Hard Peilmannimut oqaluttuarpoq.

Igalikumi tupersimaartarfissap saniatigut Igalikup eqqaani pisuttuartartut aqqutaannik ilisarnaasersuinissaq aallartissaaq. Narsap kommunea, Narsaq Tourist Office-lu suleqatigalugit pilersinneqarnissai piviusunngortinniarneqalersaarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat