Igaliku 225-nngortorsiorpoq

Narsap kommuniani nunaqarfik, Igaliku 30-40-t missaannik innuttaqartoq inunnit 400-t missaanniittunit maanna persuarsiutigineqaqisumik nalliussineqarpoq.
Allattoq Elisa Isaksen
juulip 20-at 2008 16:13

225-nngortorsiorneq seqinnersorsuugaa ingerlanneqartoq, aaqqissueqataasumit, Lisbeth Søvndahl Pedersenimit oqaatigineqarpoq.

225-nngortorsiorneq nalliussiniarlugu ullumi inatsisartut nersornaasiuttagaannik Gerda Søvndahl Pedersen nersornaaserneqarpoq, taalliortorsuarmut erinniartorsuarmullu, Jakob II Egedemut tunngatillugu eqqaassutissaq uleerneqarpoq.

Nalliuttorsiorneq ullaaq manna aallarnerlugu tussiaqatigiinnertalimmik erfalasulertoqarpoq tamatumalu kingorna naalagiaqatigiittoqarluni.

Igalikormiut ilisarnaatigilluagaasa ilagaat savaateqarneq nipilersornerlu.

Nalliuttorsiornermi aaqqissueqataasoq, Lisbeth Søvndahl Pedersen oqarpoq, inuppassuit nereqatigiinnissami peqataasut.

- Umiatsiarpassuit Igalikumiipput tupersuarlu inunnit 300-nit isersimaffigineqarsinnaasoq inoqangaarmat aappertariaqarsimavarput, - ila nuanneqaaq tuppallernarlunilu, Lisbeth Søvndahl Pedersen oqarpoq.

Nalliuttorsiornermi qaaqqusarpassuit Katersortarfimmi nereqatigeereerunik tappatissapput, Igalikumilu nalliuttorsioneq aqagu naggataarneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq