Igalaaminikoorfiit Kujataani atorneqalerput
- Eqqagassanik ikuallaanermi igalaamerngit ajornartorsiutaasarput - igalaamerngimmi ikumalluarneq ajorput arsakoqartaqalutillu. Taamaammat containerit igalaaminernut eqqaaviit arfinillit misiligutigalugit kommunip pisiarai illoqarfinni tamani inissinneqartussanngorlugit, kommuni taama nalunaarpoq.
Siunertaasorlu tassaavoq innuttaasut igalaaminernik, soorlu puiaasanik, mamalaajit puuinik assigisaanillu containerinut igalaaminiisivinnut igitsisalernissaat.
- Containerit marluk soorunami naammanngillat, taamaattumik misiligutitut igalaamerngit qanoq amerlatigisut eqqagassaniit peerneqarsinnaanersut aallaqqaammut paasiniarneqassaaq. Igalaamerngit katersukkat siullermik eqqaavissuarmut iginneqartassapput kingusinnerusukkullu atoqqinneqarsinnaaffiat nassaarissavarput, kommuni ilaatigut taama nalunaarpoq.