Iffiukkat 2-3 koruuninik akitsussapput
Olav Thomsen: - Erseqqissumik taassallugu ajornarpoq, kisitsiserpiartaat takusinnaannginnatsigik, kisianni ilimagisariaqarpoq soorlu iffiaq-qaqortoq angisooq 2-3 koruuninik akitsussasoq.
Olav Thomsen Kalaallit Nunaanni Brugsenit pisortaat oqarpoq nangillunilu:
- Tusakkavut naapertorlugit karrinit tunisassiat 50 procent tikillugu akitsorput, taamaattumillu tikisitsisarnitsinni akit naleqqussartuassavagut.
Karrinik tunisassiat akitsoriartornerat naatsorsueqqissaartarfimmit nunanut allanut niuernermut nalunaarsuinermi naqissuserneqarput. Decemberimi 2007-mi kvartalit pingajuanni naatsorsuinermi erserpoq karrinik tunisassiat 2006-imut sanilliullugit 10 procentimik akitsorsimasut.
Kalaallit Nunaanni Brugsenimi pisortaq naggasiivoq oqarami:
- Karrinik tunisassiat pineqarput, soorlu cornflakes, karrinik tunisassiat amerlasoorpapilussuugamik, tassa taakku nunarsuarmi tamani amigaataalerput, taamaattumik-una akitsortut, imaanngitsoq maaniinnaq imaluunniit nunani avannarlerni, tassa nunarsuaq tamarmi eqqugaavoq.
