Ida Møller Dronningimit saqqarmiuligaavoq
Ida Møller, Uummannap napparsimmaviani ukiuni 40-ni sulisimanermini marlunngormat nalliuttorsiutigineqarpoq. Peqatigitillugu Dronning Margrethep inunnut aalajaallutik sulisimasunut nersornaammik saqqarmiulerneqarpoq.
Allattoq Najaaraq Egede
Ida Møller peqqissaasunut ikiortitut ukiuni 40-ni sulilluarsimanini pillugu marlunngormat juunip 15-iani Uummannap napparsimmaviani nalliuttorsiutigineqarpoq. Taama Sermitsiaq.ag allaaserinnippoq.
Ida Møller suleqataasa ilasseqatigiinermi pilluaqqujortorpaat. Ida Møller aamma nalliuttorsiornerminut atatillugu Dronning Margrethep inunnut naalagaaffimmi aalajaallutik sulisimasunut saqqarmiumik sølviusumik nersornaaserneqarpoq.