Icesave 3 milliardinik taarsiissaaq
Islandimi aningaasaqarnermut ministeeriaqarfik ippassaq taama nalunaaruteqarpoq.
Islandimi aningaasaqarnermut ministeeriaqarfimmit qaammatip siuliani oqaatigineqarpoq suli isumaqatigiissuteqartoqanngitsoq, taamaattorli "pitsaasumik oqaloqatigiittoqartoq siuariartortoqartorlu".
Island 30 milliardi koruuninik taarsiisussatut pisussaaffilerneqareerpoq, taakkumi Tuluit Nunaata Hollandillu, nunani taakkunani marlunni aningaaserivimmik atuisunut 340.000-iusunut taarsiissutigisaasut amerlassuseqarput. Aningaasat taakku Icesavep 2008-mi ajutoorneratigut atuisunit annaaneqaraluarput.
Islandip Tuluit Nunaannut Hollandimullu isumaqatigiissutaat, Islandimiut taasinermikkut siullermik itigartippaat, tassami isumaqatigiissut siulleq taama isikkoqartillugu akueriumanagu itigartikkamikku.
Maannali illuatungeriit imminnut qanilliallassimapput, qanittukkullu isumaqatigiissuteqarnissaat neriuutigineqarluni. Isumaqatigiissuteqarnissaq Islandimut pingaaruteqarluinnarpoq, tassami taamatut aaqqiagiinngissuteqarneq Islandip EU-mut ilaasortanngorniarneranut pingaarutilimmik akornutaanerarneqarmat.
