Icelandair casinomik pilersitserusuppoq
Islandimi naalagaaffimmi pissutsinut ministereqarfimmut inatsiseqarnermullu ministereqarfimmut pilersaarutit saqqummiunneqareerput. Qinnuteqaallu naalagaaffimmi nakorsaanermut, politiinut, angalatitsivinnut katsorsaasarfimullu, SAA-mut, aamma saqqummiunneqareerpoq. Qinnuteqaat februaarip ulluisa aqqaneq-aappaanni kingusinnerpaamik akineqassaaq.
Islandimi casinoliorniarnermi Danmarkimi taamaattoqarneranit isumassarsiaavoq. Casinomik ingerlatsinissaq pisortatigoortumik akuerineqartussaavoq, islandimiullu kissaatigaat eqqukkat 60 procent tikillugu akileraaruserneqartassasut.
Casinoliorusunnermut pilersaarut Islandimi nutaajunngilaq, aningaasarsiornikkulli ajornartorsiortoqalermat eqqarsaat kingumut saqqummerpoq, piviusunngussappallu Islandi aningaasanik isertitaqarlualissagaluarpoq.
