ICC WWF-ilu innuttanik peqataatitsiniaasarneq pillugu oqallititsissapput
Politikerit, tusagassiortut soqutigisaqaqatigiillu kattuffiisa, innuttaasut siunissami qanoq periuseqarluni pitsaanerusumik peqataatinniarneqarsinnaanerat oqallisigissavaat.
Aatsitassanik suliariniakkat pillugit innuttaasut pitsaanerusumik peqataatinniarlugit qanoq iliuuseqartoqarsinnaaneranut atatillugu, ICC Greenlandip kiisalu Pinngortitaq pillugu nunarsuaq tamakkerlugu suliniaqatigiiffiup/WWF Verdensnaturfondenip peqatigiillutik suliariniakkamittut aaqqissuussaannut atatillugu, oqallinnissaq aaqqissuunneqarpoq.
– Taanna suliariniagaq aningaasaateqarfimmit Villumfondenimit tapiissuteqarfigineqarnikuuvoq.
- Innuttaasunik peqataatitsinissap pingaarutilittut ilungersuutiginerusariaqarnera, inuiaqatigiinnit minnerunngitsumillu politikerit tungaannit nassuerutigineqartariaqarpoq. Inuiaqatigiit isumaat isumakuluutaallu sivisuallaamik sunniuteqartinneqarpiaratik qarsupiinnarneqarpallaartareerput. Taamaammat tunngavilersuilluarluni siunissami qanoq periuseqartoqartarnissaa kiisalu politikerit atorfilittallu innuttaasullumi nalinginnaat isumassarsiffigisinnaasaat pillugit oqallittoqarnissaa neriuutigaarput, ICC-p siulittaasua Aqqaluk Lynge oqarpoq.
Toqqaannartumik nutserisoqarluni oqallittoqassaaq.