ICC: USA aamma Canada malinnaasariaqarput

Taama oqarpoq Nunatsinni Inuit Issittormiut Siunnersuisoqatigiiffianni siulittaasoq Aqqaluk Lynge. Taassuma ICC-p USA aamma Canada taamatut isummertissinnaassagai neriuutigaa.

- Isumaqarpunga alloriarneq pingaaruteqartorujussuusoq. Tassami Australiami nunat inoqqaavisa atugaat uparuartorneqartuarsimaput. Ukiuni kingullerni pingasuni Naalagaaffiit Peqatigiit nunat inoqqaavisa ataatsimiittartoqatigiivini suleqatigisimasama Mick Johnsonip, Australiamiuusup oqaasii assorujussuaq nuannaraakka. Oqarami inuit pisinnaatitaaffii pappilissatigut atuutiinnarnagit, kisiannili allatigut piviusunngortinniarlugit ulluinnarni inuunitsinni pingaaruteqartunngortinniarlugit sulineq pingaaruteqartorujussuuvoq. Taamaattumik Australiami nunat inoqqaavisa oqaasissaqaqataalersinnissaannut una alloriarneruvoq pingaaruteqartorujussuaq.

- Tasssami sunaluunniit sorsuutigigaangatsigu angullugulu, taava piviusunngortinnissaa ilungersuutissat annerpaartarisarpaat, aamma tamanna nunatsinni atuuppoq.

- FN-ip aalajangersagaanut suli akuersinngitsut ilaatigut tassaapput Ruslandi, USA aamma Canada. USA-llu præsidenteertarnerata kingorna isumalluarnartoqarsinnaavoq, Inuit Issittormiut Siunnersuisoqatigiiffianni Nunatsinni siulittaasoq Aqqaluk Lynge ualimut taama oqarpoq.