ICC ukiunik 30-liivoq

ICC-p nunatsinni imikkoortuani siulittaasoq Aqqaluk Lynge Nuummi astaatsimeersuarnermi aqutsisuuvoq, tassalu Chukotkamiit, Alaskamiit, Canadamiit, Nunatsinniillu aallartitat 66 -it tikilluaqqussallugit.

ICC 1980-imi pilersinneqarmat Aqqaluk Lynge taamanimiit suleqataasunut ilaacoq.

- Ukiut taakkua eqqarsaatigalugit soorluli tassa pussunneq, Aqqaluk Lynge oqarpoq.

Ukiut ingerlaneranni pingaarutillit pingasuupput: Nunani sisamani naggueqativut namminersornissamut isiginerulersimapput. Aamma nunat inoqqaavisa pisinaatitaaffii FN-imi akuerisaalersimapput. Kiisalu nunat inoqqaavisa FN-ip iluani ataatsimiittartuutitaqalerput.

- Nunani tamalaani angusaqaqaagut. Taava tamakkua nunatsinni atuutsilernissaat tullinnguuppoq, Aqqaluk Lynge oqarpoq.

Ataatsimeerrsuarnemi oqaluuserineqartussat sorliit Nunatsinnut pingaaruteqarnerpaassanersut Aqqaluk Lyngep nalornisiginngilaa:

- Pisuussutinik atuineq - uuliasiorneq assigisaallu - naggueqatitta qangarsuarli atoreersimavaat. Qanorpiaq misigisaqarnersut ulluni aggersuni tusarnaarniartigit. Naggueqatitta aamma uagut paasisassatsinik pajuppaatigut, Aqqaluk Lynge oqarpoq.

KNR TV Radiolu ICC-p ataatsimeersuarneranit ullumimiit sisamanngornermut toqqaannartumik aallakaatitsisassaaq.