ICC-p immikkoortortaata isornartorsiuinera EU-Kommissionip qisuariarfigipallappaa
Kalaallit Nunaanni ICC-p immikkoortortaanit Ilulissani ataatsimeersuarnermi EU-mi politikerit ippassaq isornartorsiorneqarnerat EU-kommissionip qisuariarfigipallappaa.
septembarip 11-at 2008 17:11
Kalaallit Nunaanni ICC-p siulittaasuata Aqqaluk Lyngep EU ippassaq sakkortuumik appisaluuppaa, issittumi inuit apereqqaarnagit iliuuseqartarmat, ungasinngitsukkut puisit amiinik eqqusseqqusiunnaarniarneq assersuutitut taallugu.
Sermitsiami allaaserineqartoq naapertorlugu ICC isummaminik saqqummiiartoqqullugu Bruxelles-imut qaaqquneqarpoq.
Puisit amiinik EU-mut eqqusseqqusiunnaartoqassagaluarpat kalaallit akilinermiullu eqqugaasussaammata Kalaallit Nunaanni Akilinermilu ICC-p immikkoortortai decembarimi januaarimiluunniit EU-mut saqqummiiartussangatinneqarput.
