ICC: Greenpeacep tiguaqqavaatigut
- Greenpeacep Nunarput tiguarlugulusooq qanoq iliuuseqarpoq uatsinnut sakkortuvoq ajukkunnarlunilu, tassalu oqallinnissaraluatsinnik annertuumik killiliilluni, ICC-p siulittaasua, Aqqaluk Lynge taama oqarpoq.
Greenpeace suliniaqatigiiffissuuvoq nukittooq aningaasaaterpassualik aammalu tusagassiutit atorlugit kikkunnut tamanut tusartitsiniallaqqissoq.
Greenpeace avatangiisit pillugit illersuineqatigiiffiuvoq suliniuteqarnermini pissaaneq atorlugu qillerussuarnik tiguaasinnaasoq, taamaaliornerallu sakkutooqarnermut assersuunneqarsinnaalluni.
Tamannalu uagut Kalaallit qanoq iliuuseqarfigisinnaanngilarput, Aqqaluk Lynge oqarpoq nangillunilu:
- Greenpeacep taamatut suliniuteqarnera Nunatsinni oqallinnermik tiguaaneruvoq. Kikkulluunniit Greenpeacetut iliorsinnaapput eqqortuuguni eqqortuunngikkuniluunniit. Kisiannili tassa taamatut iliornerisa kinguneraa Nunatsinni oqallinnissaraluamik periarfissaarulluta. Taamaattumik Kalaallit akornatsinni oqallinneq siuttuuffigilissagutsigu taava qanoq iliuuseqartariaqarpugut, Aqqaluk Lynge oqarpoq nangillunilu:
- Allanik qulagersimaneqanngitsumik naliliisinnaasunik pilersitsinissaq pisariaqarluinnarpoq, Naalakkersuisunut taamaattuunngitsunullu iluaqautaasinnaasumik, minnerunngitsumillu avatangiisit pillugit misissuiniartut eqqarsaatigalugit, nalunanngilluinnarmammi avatangiisit innarlinnginnissaannut killiliissutit pisariaqartinneqartupilussuusut, ICC-p siulittaasua Aqqaluk Lynge taama oqarpoq.
Taanna aamma isumaqarpoq Greenpeace nunarsuatsinni tusagassisutinik malinnaavigineqarluarnerata kingunerigaa Nunatsinni oqallinnerup killeqartinneqarneranik, tassami Greenpeacetut tiguaalluta qanoq iliuuseqarneq ajornerput pissutigalugu.
