Erinarsuut taaguuteqarpoq "Nunat angeqisut" sap.ak. naaneranilu immiunneqarpoq ataasinngormallu nereqatigiinnersuarmi erinarsorneqarluni. Tassani aallartitat tamarmik usb-stikkimik Kommuneqarfik Sermersuumiit tunisipput. USB-stikkimiilluni ICC-p erinarsuutaa Qissiakkut immiussaat .
-ICC-p erinarsuutissaanik erinarsoqquneqarluni tuppallernaqaaq, erinarsoqatigiit aqutsisuat Titken Jakobsen oqarpoq, nassuiaallunilu erinnap oqariartuutaa tassaasoq nunarsuarmi tamarmi inuit imminnut ataqatigiinnerat.
Erinarsuut tamanut saqqummersinneqanngilaq, KNR-illi radiomi appisimaartassavaa.
Erinaq Frederik "Kunngi" Kristensenip erinniaralugulu taalliaraa.