URANI ICC: Aatsitassat sorliit EU naapertorlugu "dual-use"-iuppat?

Aatsitassat sorliit sakkussiorsinnaanissamut atatillugu EU-mit atorneqarsinnaappat, sorliillu eqqissisimanermut atorneqarsinnaappat? Inuit Issitttormiut Siunnersuisoqatigiivi, ICC, Inatsisartut tusarniaanerannut atatillugu ilaatigut taama apeqquteqarput.

Nunatsinni uranisiortoqalissappat nakkutilliisoqarnissaanut atatillugu malittarisassaliortoqarnissaa pillugu inatsisissatut siunnersuutit marluk Folketingimi ukiaru oqallisigineqartussaanerat pissutaalluni taama apeqquteqartoqarpoq.

Aatsitassat sorliit sakkussiornermut eqqissisimasumillu siunertaqartumik atorneqassanersut EU-p isiginerai ICC-p tusarniaanermut atatillugu akissummi paaserusuppaa, tassa aatsitassat atorneqarneranni dual-use-imik taaneqartartut.

Inatsissatummi siunnersuummi tamanna ersarissarneqarsimanngitsoq ICC isumaqarpoq. Aatsitassat piiarneqalissappata avammullu tunisassiarineqalerlutik sumut atorniarneqarnerat aatsitassarsioqatigiinnut, atorfilittanut innuttaasunullu paasinarsinissaat siunertaavoq, suut immikkut nakkutigisassatut isigineqarnersut ersarissarneqarniarluni. ICC KNR-imut taama ilaatigut nassuiaavoq.

Aatsitassat sakkussiornermut eqqissisimasunulluunniit atorniarneqarnerannut tunngasumik Sulisitsisut Peqatigiiffiata GE-p tusarniaanermut akissummi ilaatigut allaaseraa. Inatsisissatulli siunnersuutit marluk pineqartut tapersersorlugit GE-p nalunaarutigaa, EU-llu allattorsimasuuteqarfia aallaavigalugu nakkutilliisoqarnissaa ujartorlugu.

Folketingip Kalaallit Nunaannut tunngasunut ataatsimiititaliaa uran pillugu tamanut ammasumik ullumi pingasunngornermi tusarniaassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat