URANI Urani pillugu Folketingimi ullumi tusarniaasoqassaaq

Nunatsinni uranisiorluni piiaaliviliortoqassappat, tamanna aningaasaqarnikkut avatangiisitigullu qanoq periarfissaqartitsillunilu kinguneqassava?
Assi © : Simon Uldum
marsip 16-at 2016 06:40
Nutserisoq Simon Uldum -

Folketingip Kalaallit Nunaannut tunngasunut ataatsimiititaliaa ullumi tusarniaatitsilerpat ilaatigut tamakku politikerinit suliatigullu ilisimasalinnit oqallisigineqassapput.

Danskit inuussutissarsiornermut ineriartortitsinermullu ministeriat Troels Lund Poulsen, Kalaallit Nunaata Aningaasaqarneranut Siunnersuisoqatigivineersoq Anders Møller Christensen ujarassiuutullu professori Minik Rosing ilaatigut saqqumiissaapput. Aamma Kommune Kujallermi borgmesterip Jørgen Wæver Johansenip avatangiisinillu illersuiniaqatigiiffimmit Avatameersup Mikkel Myrupip Nunatsinni uranisiortoqalersinnaanera isummerfigissavaat.

Aamma atuaruk Urani pillugu Folketingimi tusarniaalersut

Nunatsinnit uranimik avammut nioqquteqarnissamut tamatuminngalu nakkutilliinissamut killiliussat pillugit inatsisissatut siunnersuutit marluk Inatsisartunit Folketingimiillu upernaaq manna suliarineqarnissaannut atatillugu tusarniaasoqassaaq. Inatsisissatut siunnersuutit Danmarkimi Nunatsinnilu tamanut tusarniaassutigineqaqqammerput, sulili tassa oqallisigineqarlutik.

Tusarniaaneq Folketingip nittartagaatigut toqqaannartumik malinnaaffigisinnaavat. Tusarniaaneq Nunatsinni nalunaaqutaq malillugu qulingiluanut aallartissaaq.