IA partiini akiligassaqarnersaavoq

Nunatsinni partiit anginerit aappaat Inuit Ataqatigiit aningaasaqarniarnerat pitsaanerpaanngilaq, 2019-mi akiitsut nungussimanissaat siulittaasup sulissutiginiarpaa

Partiip pigisai nalillit tamakkerlugit naatsorsorneqarneranni, 1.860.538 koruuninik amigartooruteqarluni siorna ukioq naavaa.

Nammineq pigisat nalillit, 1.860.538 koruuninik amigatoorfiupput, taamaalilluni IA partiini amigatooruteqarnersaalluni.

Taakkununnga ilaalluni partiip akileraartarnermut akiitsui 200.000 koruuninik sinneqartut.

- Soorunalimi akileraarutinut akiligassat akilissavagut. Kisianni tassa nalinginnaasuuvoq naatsorsuutini takuneqarsinnaaneq ajormata, pissutigalu decemberimi akiligassat suli akilerneqanngimmata naatsorsuutit kisinneqarneranni, Sara Olsvig oqarpoq.

Aamma atuaruk Siumup aningaasaqarnera assoralisimaarpoq

Kukkunersuisoq arlaannannulluunnit attuumassuteqanngitsoq kinaassutsiminillu saqqummiusserusunngitsoq isumaqarpoq, akileerarutinut akiitsut decembarimi naatsorsuutit kisinneqarneranni ilanngunneqarsimasinnaanngimmata, tamanna ilumoortortaqarluarsinnaasoq.

Kukkunersiusup aamma erseqqissarpaa, akiitsut pineqartut ukiumoortummik naatsorsuutini takuneqarsinnaassanngimmata.

Inuit Ataqatigiit siulittaasuata Sara Olsvigip akiitsut partiimi aqutsisuusimasunit kingorngunneqarsimasut oqaatigai.

- Soorunami akiitsunik annertuunik IA-mi siuttuusimasunit kingornutaqarpugut, maannakkullu siunertaraarput ukioq 2019-mi akiitsuerussimanissarput, kisianni tassa sukaterineq annertooq ingerlavoq, 2014-mi siulittaasunngornerma kingorna, tamannalu malunnaatilimmik aningaasaqarnitsinnut iluaqutaavoq, IA-mi siulittaasoq Sara Olsvig taama oqarpoq.

2013-mi amigartoorutit 600.000 koruuniusut 2014-mi pitsanngoriartippagut, tassalu 2014-mi 336.00 koruuninik sinneqartooratta, tamannalu ajunngitsumut ingerlariarneruvoq, Sara Olsvig oqarpoq.

Massakkorpiarli pissutsit imaapput, kukkunersiuisup kukkunersiuinerminit inerniliinermini partiip ingerlatsinerani ingerlaqqissiinnaanersoq apeqqusermagu, aningaasanillu attartorfiata pisarialimmik aningaasaliinissamut tigoriaannarnillu aningaasaateqartitsinissamut piumassuseqassanersoq apeqquserlugu.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat