IA-p siunnersuutimi sumit aningaasalernissaat oqaatiginngilai
![](/sites/default/files/styles/image_934x467/public/article_images/sara_anelu_ataatsimiittarfimmi.jpg?itok=9lWwg3AS)
Inuit Ataqatigiit Inatsisartut ukiaru ataatsimiinnissaannut inatsisissatut siunnersuutissaat 32-upput, taakkunannga aallarnisaasunut attartortitsisarnissaq, eqqumiitsulianik katersugaasiviup pilersinneqarnissaa isumaginninnikkullu sulisunut pitsanngorsaanissaq pillugu periusissiaq ilaallutik.
Tamakkuali qanoq aningaasalersorneqassanersut partiip siulittaasuata maanna oqaatigisinnaanngilaa.
Aamma atuaruk IA innuttaasunik taasititsinissamik piumasaqarnissamut periarfissaqarusuttoq
- Isumalluarluta neriuuteqarluarlutalu siunnersuutivut saqqummiuppavut, neriuppugullu sunniuteqarluartumik isumaqatigiinninniarnerit ingerlajumaartut, Sara Olsvig oqarpoq.
Tassalu IA-p inatsisissatut siunnersuutigisami suminngaanniit aningaasalersorneqassanersut nassaarisimanngilaa.
Kisianni aningaasanut inatsisissatut siunnersuutinut isumaqatigiinniarnerni Inatsisartut partiillu allat suleqatiginerisigut aningaasat tassani nassaarineqarnissaat takorloorneqarpoq.
Inatsisissatullu siunnersuutitik aningaasanik siunissami isertitaqaataassasut, Olsvig neriuppoq.
Aamma atuaruk IA: Inuit atugarissaarnerat sinneqartoornermit pingaarneruvoq
- Nalunngilarput siunissaq ungasinnerusoq eqqarsaatigalugu aningaasatigut aamma isertitaqaataasussatut arlallit inissittussaasut nalunngilarput.
Ilaqutariinnut angalanissamut aningaasaateqarfik, inuussutissanik nioqqutissiornermi ilinniartitaanermi neqeroorutit Inatsisartunilu ikinnerussuteqartut inunnik taasisitsisinnaanissaat IA-mit ilaatigut kissaatigineqarput.