IA-p Per Berthelsen akissuteqarfigaa

Politikerit IA-meersut pingasut Narsami ataatsimiisitsiinermut peqataasut ilaat marluk maanna akissuteqarput. Kalistat Lundip Naaja Nathanielsenillu Per Berthelsen akissuteqarfigaat. Taassumami Narsami atuartunik oqaloqateqarsimaneq naleqqutinnginnerarpaa, naak Nuummi atuarfiit ilaanni tamat oqartussaaqataanerat pillugu ulloqartitsinermi Per Berthelsen nammineerluni peqataanermigut asserluinnaanik iliorluni.

-Inatsisartunut ilaasortat innuttaasunik naapitsinissaminnut piginnaatitaannginnerannik oqassalluni eqqunngilaq. Inatsisartunut ilaasortat sulinerput pillugu pisinnaatillutik oqaluttuarnissaminnut pisussaaffeqarput. Politikkikkut isummertaatsivut apeqqutaatinnagit innuttaasut kikkulluunniit tusaassallugit pisussaavugut. Tamanna ileqqorissaannginnertaqanngilluinnarpoq, IA-meersut marluk oqarput.