IA neriuppoq Demokraatinik suleqateqarneq ingerlaannassasoq

Demokraatit nutaamik siulittaasoqalernerisigut Inuit Ataqatigiit neriupput inatsisartuni taamatullu Kangia-Kitaani ikaarsaariarnermi Ataatsimiititaliami suleqatigiinnissamik isumaqatigiissutigineqartut ingerlaqqissasut, IAp siulittasua Kuupik Kleist oqarpoq.
Allattoq Jaaku Lyberth
juulip 09-at 2008 14:26

Kangia-kitaata ikaarsaariarnermut ataatsimiititaliaani Inuit Ataqatigiit Demokraatillu suleqatigiinnissamik isumaqatigiissutaat annertuvoq, taamaattumillu Kuupik Kleist neriuppoq, isumaqatigiissutigineqartoq atsioaqatigiissutigineqartorlu atsioqataasunit attatiinnarneqarsinnaasoq, Demokraatini ilaasortaagaanni ilaasortaanngikkaluaraanniluunniit, Kuupik Kleist oqarpoq.

Inuit Ataqatigiit Demokraatillu inatsisartuni taaseqatigiittarnissamik isumaqatigiissuteqarput, taassumalu qanoq ingerlateqqinneqarsinnaanissaa pillugu Inuit Ataqatigiinni eqqartorneqartussaavoq, tamannalu naammassineqareerpat IA nalunaaruteqarniarpoq.

Inuit Ataqatigiit siulitaasuat Kuupik Kleist taamatut oqarpoq. Demokraatit siulitaasortaarnerat pillugu partiit allat oqaaseqartinniarsimagaluarpagut iluatsisinnaasimanatigilli.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq