IA meerartaarnermi aningaasaateqarfiliorusuppoq

Naaja Nathanielsenip, Inuit Ataqatigiinneersup, meerartaarnermut atatillugu aningaasaateqarfiliornissamut siunnersuutaa Inatsisartut ullumi ataatsimiinneranni ilaatigut oqaluuserineqassaaq.
oktobarip 12-at 2010 07:34

Naaja Nathanielsen isumaqarpoq, aningaasaateqarfiup sulinermikkut akissarsiallit meerartaarnermut atatillugu akissarsiaqartinneqarnissamut periarfissaqanngitsut, ullormusiaqartitsinermit pioreersumit, pitsaanerusumik akissaateqalernissaat qulakkiissagaa, taakkua pisortani namminersortuniluunniit sulinerat apeqqutaatinnagu.

Meerartaarnermut atatillugu sulinngiffeqarnermut aningaasaateqarfiup inuusuttut suliffeqarnissaasigut pitsanngorsaavigissavai. Arnat inuusuttut, meerartaarnissaminnut piukkunnarsisut, atorfinitsinnissaannut aningaasatigut eqqarsaatersuutit pisariaarutissapput, inuusuttullu suliffeqarfinnik aallarniisut ilaqutartaarnissaminnut aningaasatigut periarfissarissaarnerulissallutik.

Meerartaarnermut atatillugu aningaasaateqarfiliornissaq siusinnerusukkut Naalakkersuisoqatigiissimasut naalakkersuisunngortitsinermi isumaqatigiissutiminnut ilaatittarsimavaat, Demokraatit Atassutillu siunertaq tamanna soqutigalugu aamma tapersersoreersimavaat, taamaammat Naaja Nathanielsen isumaqarpoq, anguniagaq sukkatsisassallugu maannakkut piffissanngortoq.

Siunnersuut siullermeerlugu Inatsisartuni ullumi suliarineqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq