IA Ilulissat: Siumut Ilulissat mumippoq
Aningaasarsiornerup Qaasuitsup kommunissaani Ilulissat kommuniannit kisimi nammanneqarnissaa Ilulissani kommunalbestyrelsimi Siumumut ilaasortat ernummatigaat, ernummatigaallu inunnik isumaginninnerup ataani innuttaasunik sullissinerup, atuartitaanerup meeqqanillu sullissinerup appariarnissaat.
-Pisortat susassaqarfiini aaqqissuusseqqinnissaq Ilulissani Siumukkut ilisimaarilluarpaat, ajornartorsiutillu iluarsinissaannut akisussaaqataarusullutik manna tikillugu oqartareerlutik, taamaattumik taamatut mumeriataarneq paasiuminaappoq, nalilersueqqinnissamillu piumasaqarneq suliassamik naammassinissinnaanngissusermik nalunaarnertut nalilerparput, Avannaani Inuit Ataqatigiit allapput.
-Siumut suliassamik naammassinnissinnaanngippat Avannaani Inuit Ataqatigiit piareersimavugut suliassap akisussaassuseqartumik kivinnissaanut, Ilulissani kommunalbestyrelsimi Siumumut ilaasortat ippassaq nalunaarutaannut Avannaani Inuit Ataqatigiit siulittaasuat, Bendt Kristiansen, naggasiivoq.
