Assi: KNR

IA Ilulissani: Tele-Postip nunarput marluinngorlugu avippaa

Inuit Ataqatigiit isumaqarput Tele-Postip nunarput marluinngorlugu avikkaa.

Partii naapertorlugu Tele-Postip siulersuisuisa immap naqqatigut kabelip tallilerneqarnissaanik sakkortusaaviillu annertusaavigineqarnissaannik aappaagumut pilersaarutinik kinguartitsinerisa tamanna kingunerissavaa.

- Namminersorlutik Oqartussat sumiiffimmi tassani nutarsaasoqarnissaanik ersarissumik soqutigisaqaraluarnerat pissutigalugu isumakulunnartoqarpoq, Qaasuitsup Kommuniani Inuit Ataqatigiit sinnerlugit kommunalbestyrelsimut ilaasortaq Bendt B Kristiansen taama oqarpoq.

AAMMA ATUARUK Immap naqqatigut kabelip tallilerneqarnissaanik kinguartitsineq Siumup isornartorsiorpaa

Naalakkersuisut nalunaarasuartaateqarnermik ammanerulersitsinissamik siunniussaqarsimanerisa kingunerisaanik taamatut aalajangertoqarsoraa.

Taamaammat ammanerulersitsinissamik siunniussaqarnerup oqaluusereqqinneqarnissaa Bendt B Kristiansenip neriuutigaa.

- Sutigut iluaqutaanissaanut sutigullu ajoqutaanissaanut ersarissumik paasisaqartariaqarpugut. Telep annertuunik aningaasaliissuteqarnissaanut peqatigitillugulu akisussaassuseqartumik aktieselskabiunissaanut nuna tamaat sinnerlugu politikeriusut ilumut isumaqarnersut paasisaqartariaqarpugut, Bendt B Kristiansen tusagassiorfinnut nalunaateqarluni taama allappoq.

AAMMA ATUARUK Immap naqqatigut kabel Nuummiit Aasiannut ilaneqarnissaa kinguartinneqarpoq

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat