I.A.: Ikaarsaariarnermi ataatsimiititaliat ikorfartorneqartariaqarput

”Naalakkersuisut siulittaasuata Ikaarsaariarnermi ataatsimiititalianut sisamanut, 2008-mi januaarip aallaqqaataani kommunerujussuarni siulersuisunngortussanut aningaasanik tapeerusunnginnera, Kalaallit Nunaanni inuiaqatigiinnut sunniuteqarnerlorujussuarsinnaavoq”. Taamatut Inuit Ataqatigiit siulittaasuat, Kuupik Kleist oqarpoq, kommunerujussuilluunniimmi atuutilerpata sulisussat aningaasarsiassaat pillugit suli isumaqatigiissusiortoqannginnera ajornartorsiutitut annertuutut tikkuarlugu.
aggustip 05-at 2008 16:39

Kommunerujussuit toqqissisimanartumik aallartinnissaannut pisariaqartut assigiinngitsorpassuit angumerineqarsinnaajunnaalerput. Inuit Ataqatigiinniit isumaqarpugut kommunalbestyrelsingortussanut ilaasortassatut qinikkat naammaginartunik atugassaqartinneqartariaqartut, taamaanngippat, soorlu aningaasatigut annikilliorlutik suliniaraluarunik, naammassisassatik tamaasa naammassissagaat naatsorsuutigisinnaanngilarput. Inuiaqatigiit torersumik pitsaasumillu ukiuni aggersuni aqunneqarnissaat piumasarineqarpoq, taamaammat toqqissisimanartumik aqutsinissaannik isumalluutigisagut aningaasatigut ikorfartortariaqarput. Taamaanngippat inuit pitsaasumik sullinneqarnissaat inuiaqatigiillu ingerlanneqarnerannut sunneeqataanissaminnut periarfissaat pilliutigineqassapput, Inuit Ataqatigiit siulittaasuat, Kuupik Kleist oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq