NAKUUSA unnugu katersuinialerpoq
Katersuiniarnerup qulequtaraa: 'Meeqqat tamarmik atornerlugaanermut illersorneqarnissamut pisinnaatitaaffeqarput.
NAKUUSA-llu innuttaasut tapersuilluarnissaat neriuutigaa.
Aningaasat katersat, meeqqat kinguaassiutimikkut atornerlugaasimanerinik pasitsaassaqarnermi angajoqqaanut inersimasunullu qanigisaasunut qanoq iliuuseqarnissamut paasissutissanik suliaqarnissamut atorneqassapput.
NAKUUSA tassaavoq Nunatsinni meeqqat inuusuttullu pisinnaatitaaffiisa nukittorsarnissaannik siunertaqartoq.
NAKUUSA Namminersorlutik Oqartussanit, UNICEF Danmarkimit aningaasaateqarfinniillu assigiinngitsunik aningaasalersugaavoq.
Pisariaqartitsinermi attavigineqarsinnaasut katersuiniarnerup nalaani ammatinneqassasut Sermitsiaq.AG allappoq.
MIO-mi meeqqat inuusuttullu sms-ikkut siunnersuisarfik 1899-imut allannikkut attavigineqarsinnaavoq.
Meeqqanut inuusuttunullu oqarasuaat 134 ammatinneqassaaq
Attavik; pisariaqartitsisunut siunnersortikkusuttunullu attavigineqarsinnaasoq 146 ammatinneqassaaq
Inersimasunut kingunerlutsitsisunut oqarasuaatikkut siunnersuinissamut 141 piareersimassaaq