Høgni Hoydal tikeraalerpoq
Savalimmiuni naalakkersuisunngortitsinermi nunanut allanut attaveqarnermut akisussaaffeqartussamik siullermeerluni naalakkersuisunngortitsisoqarpoq, taamatullu toqqagaasutut savalimmiormiut sinnerlugit angalaqqaarneq Savalimmiut qanigisaanut tikeraartoqassaaq. Tassa Islandimut kiisalu Kalaallit Nunaannut.
Islandimiinnermini Høgni Hoydahlip Islandimiut nunanut allanut naalakkersuisoqarfiani nunat taakku suleqatigiissinnaanerat ataatsimeeqatigiisutigaa soorlu aamma ilinniartitaanikkut suleqatigiissinnaaneq ataatsimeeqatigiissutigineqartoq.
Aqagu marlunngornermi pisortatigoortumik Høgni Hoydahl Namminersornerullutik Oqartussanut tikeraartuussaaq Aleqa Hammondimit tikilluaqquneqarluni. Tikeraarnermi nunat akornanni suleqatigiissutigisinnaasat eqqartorneqassapput, soorlu aamma pingasunngorpat Katuami Savalimmiut nunani tamalaani iliuuseriniarumaagai Nunat Avannarliit pillugit isumasioqatigiinnermi saqqummiunneqarumaartut.
