Hvideruslandimi qimuttuitsut unittarfianni qaartoortoqarpoq

Qaartoorneq inuit angallateruttulerneranni pivoq, Hvideruslandimilu nunamut namminermut ministeri sinnerlugu oqaaseqartartoq nalunaarpoq, inuit ikinnerpaamik aqqanillit maannakkumuugallartoq toqutaasimasut, 100-llu missaat ikiligaallutik.
Isiginnittuusimasut arlaqartut oqaluttuarput qaartoorneq qimuttuitsuni pisimasoq, allalli isumaqarlutik tamanna uninngasarfippiami pisoq. Nunap iluanit uninngasarfiup isaariaaniit pujoq qernertoq aniasoq isiginnittunit oqaatigineqarpoq. Angalasut hundredelikkaat uninngasarfimmiit paatsiveqaratik aniasimasut, tyskit nutaarsiassaqartitsiviat Dpa allappoq.
Qimuttuitsut uninngasarfiat Minskip qeqqaniippoq, Hvideruslandip præsidentiata Aleksander Lukasjenko-p naalakkersuisoqarfiata eqqannguani.
Lukasjenko "immikkut ittumik unnugu ataatsimiititsiniartoq", qaartoornermullu tunngassuteqartut eqqartorneqassasut, præsidentip oqaasertartuata nalunaarutigaa.