Hvideruslandimi maajip aallaqqaataasiorneq
Qangaanerusoq nunani kommunistinit aqunneqartuni maajip aallaqqaataasiortarneq allanngorsimavoq, tassaasimagaluarpormi Sovjetunioniusimasup pingaartinnerpaallugu innuttaasa nalliussisagaat.
Ullumili utoqqaat qassiialunnguaannaat Moskvami katersuussimapput; naalagaaffiullu immikkoortuani Hvideruslandimi akerliunerminnik takutitsisut kiffaanngissuseqarlutik suliffeqarusupput.
Nunarsuaq tamakkerlugu sulisartut ullorsiorneranni Sovjetunioniusimasup ilaani Hvideruslandimi kommunistit siuttuata kiffaanngissuseqarlutik nunaqaratillu suliffeqannginnerarput.
Sulisartut ullorsiornertik malunnartinniarlugu Hvideruslandip illoqarfissaa pingaarnersaanni Minskimi illoqarfiup qeqqanut ingerlaarniarnerigaluat politiinit unitsinneqarpoq.
Akerliunerminnik takutitsisut pingaarnertut oqariartuutigaat pisortat sulisorisamik namminneq piumasatik malillugit suleriaaseqarnissaannik piumasaqaataannut akerliunertik.
Akerliunerminnik takutitsisuupput saamerliuniat, talerperliunianut akerliliuttut.
Ikinnerussuteqarsimaqaalli, saamerliuniammi siuttuat Alexander Milinkievitz, kingullermik Hvideruslandimi præsidentissarsiortoqarmat piukkussaq parnaarussaaqqavoq. Pisinnaannginneranilu nuliata uini sinnerlugu kiffaanngissutsip killilersorneqarsinnaannginneranik oqariartuutaa akerliusunut, oqartussaasunullu apuuppaa.
Akerliussutsiminnik takutitsisut pisortaraat utoqqasaanngortoq Stanislaw Sushkiewitz. Soraarninngoreeraluarluni siuttuuvoq; akerliussutsiminnillu takutitsereerunik politiinit qinnuigineqarsimavoq politeeqarfimmukaqqullugu – parnaarussaanissaalu qularutigineqassanngilaq.
