Husseinip eqqartuussaanera naapertuutinngilaq

Irakimi eqqartuussivik Saddam Husseinip toqumut pillagassanngortinneqarnissaanik aalajangiisoq amigaatinik ima ulikkaartigaaq, oqaatigineqarsinnaalluni Husseinip eqqartuussaanera naapertuutinngivissoq. Taama isumaqarpoq inuit pisinnaatitaaffii pillugit suliniaqatigiiffik, Human Rights Watch.

Taassuma tikkuarpaa, Husseinip illersuisuinut paasissutissanik pingaarutilinnik arlalissuarnik eqqartuussivik tunniussisimanngitsoq, pappialat tukassimaqaat taavalu eqqartuussinermi imaqarniliat arlalissuit aamma allannissaat puigorneqartarsimasut. Eqqartuussisunngooq aamma taarserarpallaarsimapput.

- Irakimi innuttaasut eqqartuussisutigoortumik uppernassutsimik takutitsiviginissaat eqqartuussiviup qulakkeersimanngilaa. Saddam Husseinillu toqumut pillagassannngortitaanera isumakkeerfigiuminaappoq, inuit pisinnaatitaaffiinut suliniaqatigiiffik isumaqarpoq.

Saddam Hussein allallu marluk toqumut pillagassanngortitaapput, inunnik untritilippassuarnik Dujailimi toqoraasimasutut pisuutinneqarlutik.