Hotel Avannaa Sømandshjemminngulersoq
Danmarkimi umiartortunut ajoqersuiartortut Nunatsinni Nuummi Sisimiunilu umiartortut angerlarsimaffiinik marlunnik pilersitseqqaarneranniit ukiut 50-it qaangiupput. Tamanna illoqarfinni marlunni juulip naanerani nalliuttorsiutigineqarpoq, tamatumalu kingorna Aasianni Sømandshjemmet aamma pilersinneqarpoq.
- Ilulissani pilersitsinissaq aatsaat isumassarsiaanngilaq, pisortaq, Erik Ramballe Hansen tusagassiuutinut nalunaarummi oqarpoq.
Danmarkimi umiartortunut ajoqersuiartortut Ilulissani Sømandshjemmimik sanaartornissamik 1980-ikkunnili pilersaaruteqaleraluarput, pilersaarulli piviusunngunngisaannarpoq.
AAMMA ATUARUK Sømandshjem fylder 50 år
Aalisariutit umiarsualiviat Nunatsinni anginerpaaq ilulissaniippoq, tassanilu marlunnik aalisakkeriveqarpoq imarsiornermilu sulisorpassuaqarluni.
- Kalaallit Nunaanni imarsiornermi peqataalluarnissaq kissaatigingaatsiarparput. Taamaammat Ilulissaniilernissamut periarfissat ukiuni qassiiusuni misissornikuuvagut. Ilulissani imarsiortunut iliuuseqarusussuserput maligassiuineralugulu kajumissuseraarput, Erik Ramballe Hansen oqarpoq.
Hotel Avannaata ingerlanneqarneranit sinneqartoorutit imarsiortunut kiffartuussinermut atugarissaartitsinissamullu atorneqassapput aallaqqaammulli imarsiortunut ajoqersuiartortunik aamma atorfinitsitsisoqassaaq.
