Hotel Arctic avatangiisit pillugit akissarsissaaq
Nersornaaserneqartussaq kingulleq tassaavoq, Hotel Arctic Ilulissaniittoq, nersornaallu aningaasartaqarpoq 20.000 koruuninik.
Hotel Arctic-ip nersornaaserneqarneranut pissutaatinneqarput, hoteli avatngiisinik mianerinnittuusimammat ilaatigut 'Nukimmik pitsanngorsaaneq' ingerlassimallugu, tassa ingerlatsinikkut sipaarniarnermi immikkoortuni arlalinni CO2-mik annikillisaasimalluni.
Taamaalilluni 2011-miit hotelip CO2-mik aniatitsinini 160 tonsinik annikillisissimallugu innaallagissamillu atuinini 23 procentimik annikillisissimallugu.
- Hotelip illuutai illuvikkanik taaneqartartut tallimaasut, hotelillu ilisarnaatigilersimasai ingerlaavartumik nutarterneqartarput, pilersaarutaavorlu illuikkat taakku seqerngup kissaanik 100 procentimik atuilernissaat, Avatangiisit pillugit Naalakkersuisoq, Anthon Frederiksen tunngavilersuivoq.
2011-mi nersornaaserneqartut allat sisamat tassaapput, Niels-Henrik Lynge, Tasiusaq Vandrehjem Jørgine aamma Otto Frederiksenimit ingerlanneqartoq, Carsten Egevang aammalu Mogens Bisgaard Kofoed.
