Hondurasip præsidentia sakkutuunit tiguarneqartoq

Hondurasimi sakkutuut præsidentertik, Manuel Zelaya, tigusarisimavaat. tamanna pivoq sakkutuut præsidentilu saqitsaatereersullu, Zelaya-p Hondurasimi tunngaviusumik inatsit allanngorlugu pissaaneq tigummiinnarniarmagu.

Allattoq Jens Thorin

juunip 28-at 2009 13:44

Innuttaasunik taasisitsiniarneq pisortatigoortuunngitsoq, kisianni præsindentip ukiuni sisamani suli atanissaanik qulakkerisussaq, nunap sakkutuuisa tapersersorumanngimmassuk, præsident Zelayap sakkutuut timmisartortartut naalagaat sapaatit akunnerani kingullermi soraarsippaa. Nunami sakkutuut naalagaat ajoqutigisani Zelayap aamma soraarsereerpaa.

Hondurasimi, 1980-ikkunnili naalakkersuinikkut patajaatsuuusimagaluartumi, præsidentip tunngaviusuimik inatsimmik allanngortitseriaraluarnera avissaartuutsitsilerpoq. Nunami eqqartuussiviit qullersaasa Zelayap iliuuseriniagaa qanittukkut itigartippaa, sakkutuullu naalagaata sulileqqinnissaa piumasaralugu. Præsidentip tamanna itigeratippaa, oqarluni taamaaliornissaq uppisitsinertut isigineqartariaqartoq.

Sakkutuut maanna akipput, præsidentilu, Venezuelap præsidentianik Hugo Chávezimik illersorteqartoq, aallarulugu.

Hondurasip præsidentia sakkutuunit tiguarneqartoq

Aamma atuaruk