Hollandimi filminik saqqummersitsineq kalaalersaqassaaq
Filmi Danmarkimi aggustimi takuteqqaarneqartoq, filimiliornermut ilinniarfimmi filmiliaavoq, ilitsersuisoralugu Marie Grathø.
Bebiane Kreutzmann filmimi Daimi-mi tassaavoq niviarsiaraq aqqaneq marlunnik ukiulik arnaminit inissiamut ipertoqisumut qimanneqarsimasoq. Taanna kisimilluni ikinngutituani puulukiaraq peqatigalugu juullisiortussaavoq.
Daimi maannamut pitsaalluinnartumik nalilersorneqartareerpoq. Aviisimi Politikenimi ilisaritinneqarami talliamnik uummatinnappoq, kalaalerlu filmiliaritittoq 'isiginnaartitsilluaqisutut misigissutsiminillu ersersitsillaqqissutut' nersualaarneqarluni.
Odensemi filminik naatsunik festivalertoqarnerani Daimi pingasunik nersornaatisivoq, tassa meeqqanut inuusuttunullu filmiliatut pitsaanerpaatut, eqqumiitsuliatut pissuseqartutut aamma isiginnaartunit nersorniarneqarami.
Bebiane Kreutzmann maanna 14-inik ukioqartoq aqqaneq- marlunnik ukioqarluni TV2-mi aallakaatitassiami Lærkevejimi inuttaaqaarpoq, taamaalillunilu filmimi Lærkevejimi inuttaaqataalluni filminilu naatsuni arlalinni inuttaasarluni aamma Det Kongelige Teaterimi isiginnaartitsissummi inuttaasimalluni.
Nunat tamalaat Rotterdamimi filmfestivalernissaat januaarip 23-anni ammarneqassaaq.