HIV-p virusianik nassaartut Nobelip nersornaasiuttagaanik tunineqassapput

Tysklandimiu Harald zur Hausen, Düsseldorfip Universitetianeersoq, illissap paavatigut kræfteqalersitsisartumik virusimik nassaartuuvoq, illissallu paavatigut kræfteqalersitsinaveersaartitsisussamik kapitinnermik nassaartuulluni.

Frankrigimeersut Francoise Barré Sinoussi aamma Luc Montagnier HIV-p virusianik nassaartuupput:

- Inuit taakku pingasut virusinik marlunnik nassaartuupput, innuttaasullu peqqinnerulernissaanut suleqataalluinnarlutik, Jan Andersson, Nobel Komitémi ilaasortaq, Karolinska Institutimeersorlu oqarpoq.

Arnat illissami paavatigut kræfteqalersartut nunarsuaq tamakkerlugu ukiumut 500.000-it missaanniittarput, 300.000-illu nappaat taanna toqqutigisarlugu.

Nobelip nersornaasiuttaagaa ilisimatuussutsikkut allatullu sulianut 1901-imili tunniunneqartarpoq, aningaasallu 10 millioni koruunit nersornaasiinermi atatillugu aamma tunniunneqartarlutik.