HIV-mut ullorititaq malunnartinniarlugu ingerlaaqatigiit soqutigineqanngillat

Niuernermik ilinniarfimmi ilinniartut, nunatsinni innuttaasut, HIV AIDS-lu pillugit paasissutissinneqartuarnissaasa pingaaruteqassusaanik malunnartitsiniaammata, Namminersornerullutik oqartussaniit ataasinnguarluunniit anillassimanngilaq.

- Naamerluinnaq ataasinnguarluunniit anillanngilaq! Minutsit 15-it missaanni erinarsorfigigaluarpagut, naggataatigullu minutti ataaseq nipaallisimalluta, naamerluinnaq alakkartoqanngilaq, Per Thomsen Kalaallit Nunaanni Niuernermik ilinniarfinni ataqatigiissaarisoq oqarpoq.

Nunatsinni AIDS HIV-lu ajornartorsiutaanerat nittarterniarlugu aaqqissuussaq ingerlanneqarpoq.

- Ajoraluartumik kalaallit Nunaanni inoqarpoq HIV-mik AIDS-millu tunillatsissimasunik, tamannalu eqqartussallugu suli paqumigineqarpallaarpoq, taamaammat nunarsuaq tamakkerlugu ullorititamut atatillugu sammivarput.

Atuartullu ullaap tungaa atorpaat assigiinngitsunik sammisaqarlutik, ilai isiginnaartitsissusiortut, taalliortut, paasissutissanillu HIV AIDS-lu pillugit paatsoorluinnarneqarsimasunik, qanorlu tunillatsittoqarsinnaaneranik paasissutissanik nassuiaasiorlutik.

Malunnartitsinerlu naggaserlugu Namminersornerullutik Oqartussanut erinarsuataajutaa ingerlaaqatigiippugut, tamatta AIDS akiorniarlugu ilisarnaammik qalersarsualisaarluta.”

Per Thomsen Kalaallit Nunaanni Niuernermik ilinniarfinni ataqatigiissaarisoq oqarpoq.

Nunatsinni peqqinnissaqarfinnik nakkutilliisuunerup Flemming Stenzip paasissutissaatai naapertorlugit ukioq 2008 nunatsinni inuk ataaseq HIV-mik tunillatsissimasutut nalunaarsorneqarsimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat