HIV-mik tunillatsissimasut USA-mut iseqqusaalissapput
Inuit hiv-mik tunillatsissimasut, ukiuni 22-ni USA-mut iseqqusaanngikkaluarput. Maannali præsident Obamap taamatut inerteqquteqarneq atorunnaarsinniaraa, aviisimi Politikenimi allaaserineqarpoq.
Allattoq Elisa Isaksen
Obama isumaqarpoq, taamatut inerteqquteqarnermi pissutsit piviusut pinnagit annilaanngateqarneq tunngavigineqarsimasoq, taamaattumik inerteqqut ukiortaamiit atorunnaarsinniarpaa, taamaalilluni takornariat, ilinniartut aamma qitornavissiartaarineqartut, hiv-mik tunillanneqarsimasut USA-mut isersinnaalerniassammata.
- Hiv-mik aids-imillu akiuiniarnermi nunarsuatsinni siuttuuniarutta, taama iliuuseqartariaqaratta, Obama oqarpoq.
Amerikamiut 1 millionit sinneqartut hiv-mik aamma aids-imik tunillanneqarsimallutik inuupput, ukiullu tamaasa tunillatsissimasut nutaat 56.000-it paasineqartarlutik.