Hillary Clinton Kangianut Qiterlermut tikeraarpoq
Ullumikkut Vestbreddenimiikkami pingaarnertut illoqarfiani Ramalahmi oqarpoq Palæstinamiut naalagaaffeqalernissaat ilungersuullugu anguniarumallugu.
USA-p nunanut allanut ministeria naalakkersuinikkut mianersorluinnartariaqassasoq nunaminiit aallanngitsorli oqaatigineqarpoq. Mianersorfissaq siuliisa tikeraarnerminni mianersuaalliorfigisarsimasaat akerleriimmi ilaat kamatserujussuartarsimagamikkik.
Clintonip atorfilittani pitsaanerit marluk Syriamukartinniarlugit ilimasaarigami Israelimi tikeraarsaasunik tupatsitsingaatsiarunarpoq. Eqqissisaallunili oqarpoq Iranip atomip nukinga atorlugu sakkuuteqalernissaanik pinngitsoortitsiniarneranni qanimut ikiuukkumalluni.
Palæstinamiut pissaaneerutingajassimasumik siuttoqartut neriuutissaqalersinniarsarai oqarluni Amerikami naalakkersuisut eqqisseqatigiinniarneq pillugu tamakkiisumik suliniuteqarusunnerarlugit.
Tassunga atatillugu Israelimiut Jerusalemimi tiguaqqasaminni araberit angerlarsimaffippassuinik isateriniarlutik pilersaarutaat sakkortuumik assuarliutigaa.
Taama pilersaaruteqarnerup araberit Israelimut saamasaarnerugaluartulluunniit Clintonip tikinnissaa sioqqutitsiarlugu kissaammerterujussuarsimavai.
