Hillary Clinton George W. Bushimit iliuuseqarusunneruvoq

USA-p nunanut allanut ministeria, Hillary Clinton, taama naliliivoq, EU-p qullersaqarfia Bruxellesimiittoq pisortatigoortumik siullermeerluni ullumi tikeraaramiuk.

- Kina-mi nunanut allanut ministerimik atorfilittaanillu oqalliseqateqarninni ajornasaanngitsut malunnarpoq, Københavnimilu ataatsimeersuarnissami peqataanissartik oqaatigaat, Hillary Clinton sapaatip akunnerisa marluk matuma siornagut Beijingimut tikeraarnini pillugu oqarpoq.

- Kinap peqataanissaminik nalunaaruteqarnera pingaartorujussuuvoq. Silap pissusaa pillugu iliuuseqarnissami peqataasariaqarnertik paasisimavaat, Clinton, EU-p qullersaqarfiani tusagassiortunik katersortitsinermi oqarpoq.

Avatangiisit pillugit taamatut nalunaaruteqartoqarnera, EU-Kommissionimit nuannaarutigineqaqaaq, tamanna Buship naalakkersuisuisa “silap pissusaanut tunngatillugu periaasiannit allaanerulluinnartoq”, Hillary Clintonimik ataatsimeeqateqareernerup kingornagut EU-kommissionimit oqaatigineqarpoq.